Publications
Partners
Dr. Simon Strachan (pediater) antwoord:
’n Borsbaba kan enigiets van 8 vuil doeke per dag tot 1 per week hê. Die suiker in borsmelk word laktose genoem. Dis hierdie laktose wat veroorsaak dat borsbabas se doeke geel en waterig is, met klein stukkies binne-in wat soos sade lyk. Ek beskryf dit as los roereier.
Selfs al is jou kind nie onverdraagsaam teenoor laktose nie, sal haar doek steeds so lyk. As ’n klein babatjie maaggriep kry, sal die doeke ook so loperig lyk, maar jou kind sal siek lyk, braak, onwillig wees om te eet en lusteloos wees. Babas het dikwels ’n stoelgang ná elke maaltyd.
4 vuil doeke per dag is heeltemal normaal vir ’n pasgeborene.
