’n Lykskouing is op die oorskot van die bekroonde Kaapse sjef Peter Veldsman uitgevoer te midde van beskuldigings dat hy dood is omdat hy in sy laaste dae topklas- mediese behandeling ontneem is. Die polisie het ’n dossier aangelê om te bepaal of dit tot sy dood bygedra het.
Veldsman is in April in die Mediclinic in Worcester dood en ’n gedenkdiens vir hom is gister in Kaapstad gehou.
Agter die skerms broei ’n hewige twis. Aan die een kant staan adv. Theo Nel, eksekuteur van sy boedel, wat homself beskryf as Veldsman se beste vriend.