Suid-Afrika se sexyste polisieman, Devan Cox, is in die sop omdat hy in sy polisie-uniform op sosiale media gepronk het.
’n Vuurwarm selfie wat die aantreklike konstabel van Oos-Londen ná ’n sessie in die gimnasium in die badkamer geneem het, het soos ’n veldbrand op Facebook, Instagram en TikTok versprei.
Sy seniors in die polisie was egter nie ingenome met al die aandag nie. Cox is aangekla van ’n oortreding van instruksies wat lui dat polisiebeamptes nie foto’s van hulself in hul uniform, polisiewapens of -logo’s op hul private sosialemediaplatforms mag publiseer nie.