Ontvoerder van Benoni-sakeman in skietery met polisie dood

’n Man wat met die ontvoering van ’n sakeman van Benoni verbind word, is Dinsdagaand in ’n skietery met die polisie noodlottig gewond.

Die skietery het plaasgevind toe ’n multidissiplinêre span van die polisie die 46-jarige verdagte opgespoor het wat verbind kan word met die ontvoering van Shamshudeen Faki (68), mede-eienaar van die Dawood-winkel wat bevrore kos in Dunswart, Benoni, verkoop.

Volgens brig. Athlenda Mathe, polisiewoordvoerder, is Faki Saterdag by sy winkel ontvoer.