’n Ondersoek deur die Verkiesingskommissie (OVK) na bewerings dat die uMkhonto weSizwe (MK)-party vervalste handtekeninge gebruik het om vir deelname aan die verkiesing te kwalifiseer, kan ’n miernes oopkrap.
“Daar was reeds vrae oor die egtheid van handtekeninge,” sê prof. Theo Venter, politieke ontleder verbonde aan die Universiteit van Johannesburg. “Mense bevraagteken nie net MK s’n nie, maar ook dié van ander politieke partye. As die bewerings waar is, wonder ’n mens hoeveel ander politieke partye dieselfde meganismes gebruik het.”
Venter sê dit gaan ’n moeilike taak vir die OVK wees om sulke bewerings te ondersoek. Dit sal behoorlik ’n miernes oopkrap so kort voor die verkiesing.