Die oud-Springboklosskakel en “Liefling van Loftus”, Derick Hougaard, ontvang steeds behandeling vir middelafhanklikheid.
Hy is sowat twee weke gelede ontslaan uit ’n hospitaal aan die Gautengse Oos-Rand, waar hy behandeling ontvang het vir sy afhanklikheid aan pyn- en slaapmedikasie.
Hougaard is reguit van daar na ’n “langtermyn-sentrum” oorgeplaas waar hy tot vandag toe verdere behandeling vir onder meer sy verslawing ontvang, sê Walter Niedinger, regsverteenwoordiger wat vir Hougaard (41) se ouers, Bontes en Riana Hougaard van Piketberg, en sy jonger suster, Anneri Laing, optree.