.
.
VRAAG: Ek borsvoed my seuntjie al 18 maande lank. Hy drink tans glad nie meer in die dag nie, maar wel wanneer hy gaan slaap en in die nag. Sy ouma pas hom bedags op en dan drink hy koeimelk uit ’n bottel.
Hy word party aande vyf tot agt keer wakker en wil aanhoudend drink. Dit voel of ek glad nie meer melk vir hom oorhet nie, en my borste word seer as hy so baie drink. Ek meen hy is nou groot genoeg om op te hou drink, maar ek weet glad nie hoe om hom van die bors af te kry nie.
As ek snags vir hom bottel gee, word hy baie kwaad. Hoe moet ek die saak benader? En hoekom wil hy snags so baie drink?
