.
.
Jou kind kan al van 18 maande af by die laerskool Jan Celliers in Parkview, Johannesburg, inval en tot graad 7 daar bly. Elke klassie in die speelskool het ’n bekwame onderwyseres en twee assistente. Hulle help selfs met toiletroetines as jou kleinding dit nog nodig het.
Wat opvoedkunde betref, word die Matal- en Reggio Emilia- metodes as grondslag ingespan. Dit lê die klem op ’n ondersoekende ingesteldheid, kreatiewe denke en estetiese bewustheid.
Jou kind sal ook nie in die bondel verdwyn nie; daar word gefokus op die ontwikkeling van elke kleuter se unieke persoonlikheid en emosionele intelligensie.
