Jou kind se graad R-jaar is ’n baie belangrike oefentyd vir selfhelpvaardighede wat aanstaande jaar as vanselfsprekend beskou sal word.
Dit maak hom ook doelgerig gereed vir die akademiese uitdagings wat in graad 1 wag. En jou ondersteuning kan hom daardie hupstoot gee wat dit maklik maak!
Graad R is die jaar van selfstandigwording voor kinders die formele onderwys betree. Die kinders moet nou op alle gebiede leer om hulself te handhaaf en selfstandig te word.